Ўзбекистон иқтисодий эркинлик рейтингида 140-ўриндадир
Январ 27, 2019 16:31 Asia/Tashkent
Ўзбекистон Heritage Foundation тадқиқот институти (АҚШ) эълон қилган иқтисодий эркинлик рейтингида 140-ўринни эгаллаган.
Рўйхатга жами 180 давлат киритилган. Ўтган йилга нисбатан Ўзбекистон рейтингда 8 қаторга илгарилади.
Экспертлар қўшни давлатлардаги иқтисодий эркинлик борасида вазиятни юқорироқ баҳолади. Жумладан, Қозоғистон 59, Қирғизистон 79, Тожикистон эса 122-ўринда қайд этилган.
Бундан фақат Туркманистон мустасно: мамлакат 164-ўринни эгаллаган.
Мазкур рейтингдаги биринчи учликдан Гонконг, Сингапур ва Янги Зеландия ўрин олди.
