Фарғонадаги метан газ қуйиш шохобчасида ҳам автомашина портлаб кетди
апрел 23, 2019 12:28 Asia/Tashkent
Фарғона вилояти Бувайда тумани Бувайда қишлоғида жойлашган метан газ қуйиш шохобчасида Lacetti автомашинаси портлаб кетган.
Портлашга пропан газ учун мўлжалланган баллонга метан газ қуйилиши сабаб бўлган. Lacetti автомашинасининг эгаси ўзбошимчалик билан пропан газ учун мўлжалланган баллонни метанга мослаштириб олган ва ундан кам миқдорда газ қуйиш орқали фойдаланиб келган. Ҳодиса содир бўлган куни Lacetti’ни ҳайдовчининг дўсти бошқарган ва автомашинага пропан газ учун мўлжалланган баллон ўрнатилганидан бехабар бўлган.
Ҳодиса оқибатида ҳеч ким жабрланмаган. Бироқ Lacetti’га жиддий шикаст етган. Ижтимоий тармоқларда тарқалган суратларда автомашинанинг орқа қисми деярли йўқ бўлиб кетганини кўриш мумкин.
