Майкл Помпео 5 январь куни Ўзбекистонга келади
АҚШ давлат котиби Майкл Помпео 2020 йилнинг 5 январь куни Тошкентга ташриф буюради.
Дарё сайтининг хабар қилишича, Помпео турнесини 3 январь куни Украинадан бошлайди. У Киевда Украина президенти Владимир Зеленский, ТИВ раҳбари Вадим Пристайко ва Мудофаа вазири Андрей Загороднюк билан музокаралар ўтказади.
4 январь куни Беларусда бўлади, Европа мамлакатларига ташрифини якунлагач, аввал Қозоғистонга, кейин Ўзбекистонга келади.
4 январь куни Помпео Минскда бўлиб, Беларус президенти Александр Лукашенко ҳамда Ташқи ишлар вазири Владимир Макей билан учрашади.
5 январь куни у Нур-Султонга учади, уни Қозоғистон президенти Қосим-Жўмарт Тўқаев қабул қилади, у шунингдек Қозоғистоннинг биринчи президенти Нурсултон Назарбоев ҳамда ТИВ раҳбари Мухтар Тлеуберди билан учрашувлар ўтказади.
5-6 январь кунларида Помпео Тошкентда бўлади.
