Қадимий Бухоро шаҳрининг 7 та тарихий обидаси ICESCO рўйхатига киритилди
-
Қадимий Бухоро шаҳрининг 7 та тарихий обидаси ICESCO рўйхатига киритилди
Бухоро шаҳридаги 7 та маданий ёдгорлик Ислом оламининг таълим, фан ва маданият ташкилоти (ICESCO)нинг Ислом Олами Мероси рўйхатига киритилганини Бухоро вилояти маданий мерос бошқармаси хабар берди.
29 июнь куни Ислом Олами Мероси Қўмитасининг тўққизинчи онлайн мажлиси бўлиб ўтди. Унда Бухоро 2020 йилда “Ислом олами маданияти пойтахти” деб эълон қилиниши муносабати билан Бухородаги 7 та – Исмоил Сомоний мақбараси, Чор Бакр, Баҳоуддин Нақшбанд мажмуалари, Мағоки Aттор масжиди, Пои-Калон ансамбли, Қадимги Пойкент шаҳри қолдиқлари ва Тошсарой мадрасалари ИCЕСCОнинг Ислом Олами Мероси рўйхатига киритилди деб хабар қилганр Қалампир сайти.
Онлайн тарзда ўтказилган мажлисда шунингдек, Иёрдания (1 та), Эрон (5 та), Бангладеш (3 та), Жазоир (1), Ироқ (5 та), Фаластин (7 та), Қатар (3 та), Камерун (1 та), Ливия (16 та), Миср (3 та), Марокаш (6 та) давлатларида жойлашган обидалар ҳам Ислом Олами Мероси рўйхатига киритлди.
