Исроил қирувчи самолётлари Дамашқ аэропортининг атрофига ҳужум қилди

Бугун жума куни эрта тонгда Исроил қирувчи самолётлари Сурия пойтахти Дамашқдаги халқаро аэропортга қарата ҳаво ҳужумини амалга оширган

Суриянинг айрим норасмий манбалари тарқатган хабарга кўра, бугун жума куни эрта тонгда Исроил қирувчи самолётлари Сурия пойтахти Дамашқдаги халқаро аэропортга қарата ҳаво ҳужумини амалга оширган.

Ал-Олам тармоғининг хабара қилишича, Сурия норасмий манбаларининг маълумотига кўра, Дамашқ халқаро аэропортининг атрофига ракета отилган. Суриянинг ҳавога қарши системалари ушбу ракета ҳужумига қарши муваффақиятли ҳаракат қилган. Сурия манбалари Дамашқ аэропортига қарата отилган ракетанинг омилларини Сионистик режим дея аташди. 

Ливаннинг Нашра ахборот сайти ҳам Сионистик режимга қарашли ахборот воситаларига таяниб шундай хабар бердики, Исроил қирувчи самолётлари Ливаннинг ҳаво ҳудудини кесиб Дамашқ халқаро аэропортининг атрофини бомбардимон қилди.