Сурия инқирозини ҳал этиш учун Россия, Эрон ва Туркиянинг ҳаракатлари самарали бўлган
Путин ва Эрдуғон матбуот анжуманида
Пайшанба куни Россия президенти Владимир Путин туркиялик ҳамкасби Ражаб Таййиб Эрдўған билан Анқарада барпо бўлган матбуот анжуманида иштирок этди.
Ушбу матбуот анжуманида Сурия инқирозини ҳал этиш учун Россия, Эрон ва Туркиянинг ҳаракатлари самарали бўлгани таъкидланди.
Туркия президенти ташкил этилган матбуот анжуманида курдлар референдуми катта хато бўлганини таъкидлади.
"Бугун биз Сурия ва Ироқни муҳокама қилдик. Ироқ ва Сурия ҳудудий яхлитлигини сақлаб қолиш зарур, деган фикрга келдик. Референдум ҳеч қандай қонуний кучга эга эмас. Шимолий Ироқ ҳукумати катта хато қилди. Бизнинг минтақамизни аланга домида қолдиришга ҳеч кимнинг ҳақи йўқ", — деган Эрдўған журналистларга.
Ироқ Курдистонида ўтказилган референдум масаласида Владимир Путин ҳам ўз фикрларини билдириб ўтди.
"Албатта, Ироқ Курдистонида бўлиб ўтга референдум билан боғлиқ вазиятни ҳам муҳокама қилдик. Россиянинг бу борадаги тутган қараши яхши маълум — у Россия Федерацияси ташқи ишлар вазирлиги баёнотида ўз аксини топган. Бугун биз бу масалада жаноб Эрдўған билан батафсил гаплашдик" — деган Путин.
