Саудия арабистони қирувчи самолётлари Яманнинг турли минтақаларини бомбардимон қилишда давом этияпти
Саудия арабистони қирувчи самолётлари Яманнинг турли минтақаларини бомбардимон қилишда давом этияпти
Саудия арабистони қирувчи самолётлари Яманнинг турли минтақаларини бомбардимон қилишда давом этияпти. Яманнинг ал-Мусайра ахборот тармоғи тарқатган хабарга кўра, Саудия арабистони қирувчи самолётлари сешанба куни Яман шимолидаги Саъда вилоятининг турли минтақаларини кўп маротаба нишонга олди. Арабистон тажовузкорлари Санъо шаҳри ва Ҳариз минтақасини ҳам бир неча маротаба бомбардимон қилди. Саудия арабистони коалицияси Кэтофдаги ал-Бақеъ минтақасини ва Саъда вилоятини ҳам бомбардимон қилди. Шунингдек, Ол Сауд режимининг қирувчи самолётлари Яман шимолий ғарбидаги ва шимолидаги Ҳужжа вилоятидаги Майдий ва ал-Жавф вилоятидаги ал-Ғайл ҳудудларини ҳам бомбардимон қилди. Саудия арабистонининг Яман ғарбидаги Ҳадийда вилоятидаги ҳаво ҳужумида ҳам бир нафар яманлик ҳаётдан кўз юмди. Саудия арабистониннинг ҳужумларига жавобан, Яман халқ кучлари ва армияси ҳам ушбу мамлакат жанубидаги Нажроннинг ас-Садид базасига яқин бўлган Арабистоннинг ҳарбий техникалари ва ускуналари жойлашган жойни нишонга олди. Яман халқ кучлари ва армияси ушбу мамлакат жанубида 4 та Арабистон ҳарбий карвонини ҳам нишонга олиб бомбардимон қилди.