Шимолий Корея БМТ бош котибига эътирознома йўллади

Шимолий Корея Бирлашган миллатлар ташкилоти бош котиби Антониу Гуттеришга йўллаган номасида, ундан Шимолий Кореяга қарши санкцияларнинг янада кенгроқ тус олганлиги ҳақида изоҳ беришини сўради

Шимолий Корея Бирлашган миллатлар ташкилоти бош котиби Антониу Гуттеришга йўллаган номасида, ундан Шимолий Кореяга қарши санкцияларнинг янада кенгроқ тус олганлиги ҳақида изоҳ беришини сўради. 2016 йилнинг сентябр ва январ ойларида Шимолий Корея томонидан икки марта ракета синовлари ўтказилишидан кейин, БМТ Хавфсизлик кенгаши ушбу мамлакатга қарши иккита резолюция қабул қилди. Шимолий Корея ахборот агентлигининг шанба кунги хабарига кўра, ушбу мамлакатнинг намояндалари Бирлашган миллатлар ташкилоти Бош котибининг идорасига норозилик хатини тақдим этган. Шимолий Кореянинг ушбу хатида қайд этилишича, агар БМТ Хавфсизлик кенгаши спутник станциясининг учирилиши ва атом ёки баллистик ракеталарни синовдан ўтказилгани учун Шимолий Кореяга қарши санкция киритадиган бўлса, нега Америка ва бошқа мамлакатларни икки минг марта ядро синовларини амалга оширгани учун ва баллистик ракеталарни ҳамда космик кемаларни учиргани учун уларга қарши санкция жорий этмади.