Британия бош вазирига эътироз билдириб Лондонда кўча намойишлари ўтказилди

Тереза Мэй раҳбарлигидаги консерваторлар партиясига нисбатан мухолифатда бўлган юзлаб фуқаролар Лондонда Парламент олдида ушбу партиянинг сиёсатларига қарши эътироз билдириб тўпланишди

      Британия бош вазири Тереза Мэй раҳбарлигидаги консерваторлар партиясига нисбатан мухолифатда бўлган юзлаб фуқаролар Лондонда Парламент олдида ушбу партиянинг сиёсатларига қарши эътироз билдириб тўпланишди. Ирна агентлиги тарқатган хабарга кўра, шанба куни Британия парламенти сайловларининг натижалари эълон қилинганидан сўнг ўтказилган ушбу эътирозли йиғинда бир қанча талабалар, фуқаролик фаоллари ва турли уруш фахрийлари иштирок этишди. 

Эътирозчилар пайшанба куни ўтказилган парламент сайловида консерваторларнинг ғалаба қозонишига қарши ўзларининг норозиликларини билдириб, қўлларида шиорлар ёзилган плакатлар билан чиқишди. Эътирозчилар Тереза Мэйга ўнгчилар қанотидаги машҳур партия бўлмиш Шимолий Ирландия демократик партияси билан коалицион давлат ташкил этишига рухсат беришмасликларини эълон қилишди. Британияда ўтган муддатдан аввал парламент сайловлари бўйича барча сайлов участкаларидан олинган маълумотлар ҳисоб-китоб қилингандан кейин британиялик консерваторлар парламентнинг 650 та ўрнидан 318 тасини қўлга киритганлари маълум бўлди. Бирорта партия мандатларнинг ярмидан кўпини эгаллай олмаса, "муаллақ парламент" вазияти ва коалициялар ташкил этиш зарурати вужудга келади. Консерваторлар етакчиси, Британия бош вазири Тереза Мэй Шимолий Ирландиянинг Демократик юнионистик партияси билан ҳамкорлик қилиш истагини билдирди, бироқ у қандай шаклда амалга ошишига аниқлик киритмади.