Покистонда нефть танкерлари ёниб кетди

Покистонда нефть танкерлари ёниши натижасида 123 киши ҳалок бўлди

Покистон шарқида нефть танкерларининг ёниши натижасида 123 нафардан зиёд киши ҳаётдан кўз юмди. 

Ирна ахборот агентлигининг хабарига кўра, ёнғин Панжоб провинциясида рўй берган. Натижада 123 киши ҳалок бўлган. Яна 40 нафари жароҳат олган, уларнинг аксарияти 70 фоизли куйиш билан шифохонага жойлаштирилган. 

Маълумотларда таъкидланишича, маҳаллий аҳоли трассада тўнтарилган танкер ёнида ёқилғини сақлаб қолишга шошилган. Гувоҳларнинг сўзларига кўра, баъзи кишиларнинг қўлида сигарета бўлган ва у ёнғин келтириб чиқарган бўлиши мумкин. Ўнлаб автомобиллар ва 75 мотоцикл ёнғин ичида қолган.

Ҳозирга қадар ёнғин ўчирилган, бироқ трассадаги ҳаракат тикланмаган.