Дунё мамлакатлари раҳбарларининг Америка элчихонасининг Байтулмуқаддас шаҳрига кӯчирилишига қарши баёнотлари
Трамп ва Нетаняҳуларнинг Америка элчихонасини Тел-авивдан Байтулмуқаддасга кӯчирилиши ҳақидаги лойиҳалари дунё ҳамжамиятининг қатъий норозилигига сабаб бӯлди.
БМТнинг бош котиби Антонио Гуттериш деди: БМТ ташкилоти бу лойиҳага қаршидир.
Миср ташқи ишлар вазирлиги ҳам Америка президенти Доналд Трамп ӯз мамлакатининг элчихонасини Тел-авивдан Байтулмуқаддасга кӯчириш ҳақидаги лойиҳасини амалга оширган чоғи хатарли оқибатларга дуч келади, дея эълон қилди.
Иордания подшоси ҳам Трамп билан телефон суҳбатида " бу лойиҳа Американинг Исроил ва Фаластин ӯртасидаги музокараларни қайта бошлаш ҳақидаги сай-ҳаракатини пучга чиқариб, у мусулмонлар ва масеҳийларнинг ҳиссиётларини жумбушга келтиради" дея таъкидлади.
Европа Иттифоқи Ташқи сиёсатининг масъули Федерико Могерини ҳам Америка Ташқи ишлар вазири Тиллерсон билан мулоқотда "бу лойиҳа Байтулмуқаддасни Исроил режимининг пойтахти сифатида расман тан олиш бӯлиб, бу иш ӯта хатарлидир. Лойиҳа Ӯрта Шарқ зиддиятларининг янада чуқурлашувига сабаб бӯлади"—деб айтди.
Араб давлатлари уюшмаси сешанбе кунги йиғилишида махсус баёнот қабул қилиб, унда Американи Байтулмуқаддас масаласида халқаро қонунларни эҳтиром қилишга чақирди.
Ҳаммос ҳаракатининг наттоғи ҳам бу масалага муносабат билдириб, деди: Байтулмуқаддаснинг тажовузкори бӯлган сионистик режими Фаластиннинг бирор қарич ерига эгалик қилишга ҳақли эмас. Унга пойтахтнинг нима кераги бор?!
