Трамп Сингапурга етиб борди
-
Трамп Сингапурга етиб борди
АҚШ президенти Доналд Трамп Шимолий Корея етакчиси Ким Чен Ин билан учрашув учун Сингапурга етиб борди. Бу ҳақда Ирна агентлиги хабар берди.
Шимолий Корея етакчиси Ким Чен Ин ва АҚШ президенти Дональд Трамп якшанба куни олти соат фарқ билан Сингапурга ташриф буюришди.
Сингапур Ташқи ишлар вазирлиги АҚШ президенти Дональд Трамп ва Сингапур бош вазири Ли Сяньлуннинг ўзаро учрашуви якунлари бўйича баёнот билан чиқди. Унда айтилишича, етакчилар музокара давомида иқтисодиёт, хавфсизлик ва мудофаа соҳаларидаги ўзаро алоқаларни муҳокама қилган.
Шимолий Корея етакчиси Ким Чен Ин ҳам Сингапур бош вазири Ли Сяньлун билан учрашди. Ким Чен Ин Сингапур ҳукуматига у ва АҚШ президенти ўртасида тарихий саммитни ўтказишдаги самимий жонбозлиги учун миннатдорлик билдирди.
Ўз навбатида Сингапур бош вазири ҳам Шимолий Корея етакчисига ташриф ва учрашув учун ташаккур билдирган.
Аввалроқ Ким Чен Ин Сингапурдаги Чанги аэропортига етиб келгани маълум қилинган эди.
12 июн кунида Дональд Трамп ва Ким Чен Ин ўртасида учрашув бўлиб ўтади. Учрашув маҳаллий вақт билан соат 9да бошланади.
