Украина МДҲ устав органларидаги ваколатхонасини ёпди
август 30, 2018 09:58 Asia/Tashkent
-
Украина МДҲ устав органларидаги ваколатхонасини ёпди
Украина МДҲнинг устав органларидаги ўз ваколатхонасини август ойида ёпди. Бу ҳақда МДҲ Ижроия қўмитаси раиси Сергей Лебедев маълум қилди, дея хабар беради РИА «Новости».
Шунга қарамай, унинг сўзларига кўра, Украина билан алоқалар давом этмоқда.
«Биз афсус билан шуни айтишимиз мумкинки, Украинанинг Ҳамдўстлик устав органларидаги ваколатхонаси август ойида ёпилди, бироқ биз Украина билан алоқада бўлиб турибмиз, бу Минскда Украинанинг Беларусдаги элчихонаси орқали амалга оширилмоқда», - деди Лебедев.
Шу билан бирга, унинг таъкидлашича, Украинани Ҳамдўстлик таркибидан чиқмаган, «у ҳамон иштирокчи давлат бўлиб турибди».
Эслатиб ўтамиз, аввалроқ Порошенконинг журналистга жавоби ижтимоий тармоқда баҳс-мунозаралар келтириб чиқарганди.
