Дональд Трамп ва Ким Чен Ин ўртасида учрашув ўтказилади
-
Дональд Трамп ва Ким Чен Ин ўртасида учрашув ўтказилади
АҚШ президенти Дональд Трамп ва Шимолий Корея етакчиси Ким Чен Ин ўртасида ўтказилиши режалаштирилаётган иккинчи саммит билан боғлиқ масалаларни муҳокама қилинди
АҚШ давлат котиби Майкл Помпео якшанба куни Пхеньянга ташриф буюриб, Шимолий Корея етакчиси Ким Чен Ин билан учрашди ва бу учрашув муваффақиятли ўтганини қайд этди.
Помпеонинг Ким Чен Ин билан ўтган учрашувида АҚШ ва Шимолий Кореянинг Сингапур саммитида Трамп ҳамда Ким томонидан имзоланган қўшма баёнотидаги тўрт пункт муҳокама қилинди.
Шунингдек, маълум қилинишича, томонлар АҚШ президенти Дональд Трамп ва КХДР етакчиси Ким Чен Ин ўртасида ўтказилиши режалаштирилаётган иккинчи саммит билан боғлиқ масалаларни муҳокама қилишган ҳамда "келгуси саммит ўтказиладиган жой ва сана вариантлари"га аниқлик киритишган.
Помпео якшанба куни Ким Чен Ин билан Корея ярим оролида денуклеаризацияга эришишга йўналтирилган икки соатлик музокаралардан сўнг Жанубий Кореяга борган. Бу Америка давлат котибининг Шимолий Кореяга тўртинчи ташрифидир.
"Давлат котиби Помпео Шимолий Корея етакчиси Ким билан яхши учрашув ўтказди. Сингапурдаги саммит баёноти бўйича келишувларга эришилди. Яқин келажакда Ким билан яна учрашишга умид қиламан", - деб ёзади Оқ уй эгаси.
