Магнитогорск фожиаси. Қурбонлар сони 36 кишига етди

Россиянинг Магнитогорск шаҳрида қисман қулаган уй вайроналари остидан қутқарувчилар яна бир эркак ва икки аёл кишининг жасадини чиқариб олишди.

Фожиа қурбонларининг умумий сони ҳозирги вақтда 36 кишини ташкил этмоқда. Бу ҳақда ТАСС Россия ФВВ матбуот хизматига таянган ҳолда хабар берди.

«Икки аёл ва бир эркак кишининг жасади чиқариб олинди. Ҳалок бўлганлар - 36 нафар», - дея хабар беришган матбуот хизматидан.

Айни пайтда яна беш кишининг тақдири номаълумлигича қолмоқда.

Чоршанба, 2 январь куни кечқурун қутқарувчилар 33-қурбон жасадини вайроналар остидан чиқариб олишди.

• ТИВ: Магнитогорскда Ўзбекистон фуқароси қурбон бўлмаган