Россиянинг Туркиядаги элчисини ўлдирилишда айбланганларга ҳукм ўқилди
-
Россиянинг Туркиядаги элчисини ўлдирилишда айбланганларга ҳукм ўқилди
Россиянинг Туркиядаги элчисини ўлдиришда иштирок этган бир неча киши умрбод қамоқ жазосига ҳукм қилинди.
Анадолий ахборот агентлигининг хабар қилишича, кеча Туркия суди Россиянинг Туркиядаги элчиси Андрей Карловни 2016 йилда ўлдиришда айбланиб 5 кишини умрбод қамоқ жазосига ҳукм қилди.
2019 йилда бошланган суд жараёнида суд яна 6 айбланувчиларни террорчилик гуруҳдаги фаолияти учун қамоқ жазосига ҳукм қилди.
Россиянинг Туркиядаги аввалги элчиси Андрей Карлов 2016 йилнинг 19 декабрь куни Анқарада, Россия маданиятига бағишланган кўргазма очилиши вақтида отиб ўлдирилган эди. Ҳужум собиқ полициячи Мавлуд Олтинтош томонидан амалга оширилган, у хавфсизлик кучлари томонидан йўқ қилинган. Россия ТИВ бу ҳодисани теракт сифатида баҳолаган, Туркия томони қотил Фатҳуллоҳ Гулен тарафдори бўлганини маълум қилганди.
Туркиядаги Россиянинг собиқ элчиси Андрей Карловнинг турмуш ўртоғи эса эрини ўлдиришини Москва ва Анқара ўртасидаги муносабатларини бузишга уриниш сифатида баҳолади.
Икки давлат ўртасидаги муносабатлар 2015 йилда Россия қирувчиси Туркия томонидан Сурия билан чегарада уриб туширилганидан сўнг кескинлашганди.
