Хитой Тайван оролига қурол сотгани учун АҚШни яна огоҳлантирди
-
Хитой Тайван оролига қурол сотгани учун АҚШни яна огоҳлантирди
Хитой Ташқи ишлар вазирлиги АҚШни Тайван оролига қурол сотгани учун яна бир бор огоҳлантирди.
Ўтган ҳафта АҚШ Давлат департаменти Тайван оролига умумий қиймати 440 миллион доллар бўлган иккита алоҳида битимда ўқ-дорилар сотиш ва логистика ёрдамини тасдиқлади, бу эса Хитойни Америка томонининг интервенсион ва кучайган ҳаракатлари ҳақида яна бир бор огоҳлантиришига сабаб бўлди. Бир неча ой олдин Хитой армияси Тайванга 619 миллион долларлик янги қурол сотиш эҳтимолига кескин муносабат билдирган эди.
Эрон телерадиокомпаниясининг ўзбек тилидаги сайтнинг хабар қилишича, Хитой Ташқи ишлар вазирлиги пайшанба куни Американи огоҳлантирди:Тайван оролини порох бочкасига айлантирманг ва уни ҳалокатли воқеалар жарлиги томон сурманг.
Хитой ТИВ АҚШдан Тайван оролига қурол сотишни имкон қадар тезроқ тўхтатишни сўради.
Шу билан бирга, Хитой Мудофаа вазирлиги кеча (чоршанба) Пекиннинг Тайпейга Америка қуролларини сотишга қатъий қарши эканлигини эълон қилди ва қўшимча қилди:Бу ҳаракат Тайванни “пороҳ бочкаси”га айлантиради.
Бу ҳақда Хитой Мудофаа вазирлиги матбуот котиби Тан Кефи маьлум қилди:"Биз Қўшма Штатлардан ягона Хитой тамойилига ва Пекин ва Вашингтоннинг учта қўшма баёнотига риоя қилишни ва Тайпейга қурол сотишни ва Тайван билан ҳар қандай ҳарбий тил бириктиришни тўхтатишни сўраймиз".
