Қозоғистон ва Озарбайжон Республикаси президентлари ҳамкорликни кенгайтиришга алоҳида урғу беришди

Қозоғистон ва Озарбайжон Республикаси президентлари учрашувда энергетика ва транзит соҳасидаги ҳамкорликни кенгайтириш масалаларини муҳокама қилди.

Эрон телерадиокомпаниясининг ўзбек тилидаги сайтининг хабар қилишича,  Қозоғистон президенти Қосим Жўмарт Тўқаев Озарбайжон президенти Илҳом Алиев билан Бирлашган Миллатлар Ташкилотининг Марказий Осиё иқтисодиёти бўйича махсус дастури (СПЕСА)нинг биринчи йиғилиши (Бокуда) доирасида учрашди.

Токаев Остона ва Боку ўртасидаги алоқалар кенгайиб бораётганига ишора қилиб, стратегик муносабатларни ошириш ва иттифоқчилик ҳамкорлигини чуқурлаштириш бўйича қўшма баёнот қабул қилинишини ҳамда Олий ҳукуматлараро кенгаш ташкил этилишини тарихий қадам деб атади.

Алиев, шунингдек, сўнгги йилларда икки давлат ўртасидаги алоқалар динамикаси ҳукумат аъзолари ва компаниялар ўртасидаги расмий учрашувлар кўринишида яққол намоён бўлаётганини айтди.

Учрашувда Қозоғистон ва Озарбайжон Республикаси ўртасидаги маданий-гуманитар алоқаларни ривожлантиришга алоҳида эътибор қаратилди.