Бугун душанба, ҳижрий-шамсий 1395 йил дай ойининг 27-си, ҳижрий-қамарий 1438 йил рабиъуc-cоний ойининг 17-си ва милодий ҳисоб билан 2017 йил 16 январь

Ассалому алайкум, қадрли тингловчилар!

"Тарихнинг ўчмас кунлари" унвонли кундалик эшиттиришнинг янги сони билан камина Кўҳёр Аршадниё хазматингиздаман.

Бугун душанба, ҳижрий-шамсий 1395 йил дай   ойининг 27-си, ҳижрий-қамарий 1438 йил рабиъуc-cоний    ойининг 17-си ва милодий ҳисоб билан 2017  йил 16 январь.

Бундан 61 йил олдин, ҳижрий-шамсий 1334 йилнинг 27 дай ойида  Эроннинг руҳоний курашчиларидан бири  Саййид Мужтабо Наввоб Сафавий ва  унинг уч нафар сафдошлари шоҳ режимининг ҳарбий маҳкамасида муҳокама этилиб, ўлимга ҳукм қилинади ва шаҳодатга етказилади.

Наввоб Сафавий Ислом фидоийлари жамиятининг раҳбари эди. У  ҳижрий-шамсий  1305 йилда диний  оилада  таваллуд топган. У болалигидан бошлаб диний илмга чанқоқ эди ва таҳсилни ушбу заминада давом эттириш учун Ироқдаги Нажаф илмий ҳавзасига боради. У ерда ўқишни битирганидан кейин Эронга қайтади. Наввоб Сафавий  шоҳ режимининг жиноятларидан огоҳ эканлиги учун ушбу режимга қарши курашни бошлайди. Аммо шоҳ режими хавфсизлик кучлари томонидан қўлга олинади ҳамда унинг яқин сафдошлари бўлган Таҳмосбий, Зулқадр ва Воҳидий билан бирга отиб ташланади ва шаҳид бўлишади.

Бугунги кундан 60 йил олдин, яъни милодий 1957 йилнинг 16 февралида италиялик етук композитор Артуро Тосканини оламдан ўтган. У 1867 йилда таваллуд топган  ва ёшлигидан бошлаб мусиқага қизиққан. Тосканини узоқ машқ қилишлар ва турли мамлакатларга сафар қилганидан кейин оркестр раҳбари бўлади.  У кучли хотираси ва  операларни ижро этишда хос диққат кўрсатиши боис катта шуҳратга эга бўлади.  У   кўплаб нодир мусиқа асарлари ҳам яратган. Уни оркест раҳбарларининг устози дея аташган. Бу италиялик композитор 1954 йилда ушбу заминадаги фаолиятларини тўхтатади ва уч йилдан кейин 90 ёшида вафот этади.

Бундан 29 йил олдин, яъни ҳижрий-шамсий 1366 йилнинг 27 дай ойида  Ироқ Исломий аъло мажлисининг етук аъзоси ва Исломнинг етук уламоларидан бири Оятуллоҳ Саййид Муҳсин Ҳакимнинг фарзанди  Саййид Маҳдий Ҳаким Судан пойтахти Хартумда  Саддом режими жосуслари томонидан террор қилинади ва шаҳид бўлади. Маҳдий Ҳаким шаҳид  Оятуллоҳ Садрнинг  шогирдларидан эди ва  Ироқнинг собиқ президенти Саддом режимининг жиддий  мухолифатчиларидан эди. Маҳдий Ҳаким ижтимоий ва маданий фаолиятлари давомида Бағдод ва Козимайн уламолари жамоати ҳамда толибилмларга диний фанларни ўқитиш  учун илмий марказлар таъсис этган.

    Азизлар, “Тарихнинг ўчмас кунлари” унвонли ҳафталик эшиттиршнинг янги сони шу ерда ўз ниҳоясига етди. Мен эса сизлар билан хайрлашаман. Саломат бўлинг.