Бугун душанба, ҳижрий-шамсий 1395 йил баҳман ойининг 11-си, ҳижрий-қамарий 1438 йил жамодиул аввал ойининг 1-си ва милодий ҳисоб билан 2017 йил 30 январь

Ассалому алайкум, қадрли тингловчилар!

"Тарихнинг ўчмас кунлари" унвонли кундалик эшиттиришнинг янги сони билан камина Кўҳёр Аршадниё хазматингиздаман.

Бугун душанба, ҳижрий-шамсий 1395 йил  баҳман    ойининг 11-си, ҳижрий-қамарий 1438 йил жамодиул аввал     ойининг 1-си ва милодий ҳисоб билан 2017  йил 30 январь.

Бундан 38 йил муқаддам,  ҳижрий-шамсий 1357 йилнинг 11 баҳман ойида шоҳ режими қуролли кучларининг охирги паради Эрон мусулмон халқини қўрқитиш мақсадида барпо этилади. Ушбу ҳарбий парад жараёнида шоҳ қўшинининг айрим хизматчилари Эроннинг мусулмон ва инқилобчи халқи билан бирлашади ва шоҳ режимига қарши курашади. Ушбу вақтда ахборот агентликлари ҳазрат Имом Хумайний (р) Теҳрон вақти билан  3: 30 дақиқада Франциядан Эронга учишларини  ва тонгда  саот 9:30 да , яъни 12 баҳманда Теҳронга етиб келишларини эълон қилишади. Эрон мусулмон халқи ушбу хабарни эшитгач, азиз раҳбарларини кутиб олиш учун кўчаларга чиқишади. 

Бундан 83 йил олдин, милодий 1934 йилнинг 30 январида германиялик ирқчи диктатор Гитлернинг ҳукмронлик қилиш даври бошланади.  У ташкил этган “ Миллий- Социалистик партияси”  1930 йилда барпо бўлган сайловда Германия парламенти “Рейхстаг” да 107 ўринни эгаллайди. Гитлер  Германияда бош вазирлик ва кейинроқ президентлик амалига эришганидан сўнг ўзини ушбу мамлакат раҳбари эълон қилади ҳамда қўрқинчли бўлган “ЭСЭС” хавфсизлик  идорасини  ва йирик  қийнаш лагерлари ташкил этади. У ўзининг мухолифатчиларини  ушбу мажбурий меҳнат қилиш лагерларига жўнатарди. Гитлер миллионлаб одамларни ўзининг  ирқчилик сиёсатлари йўлида қурбон қилган. У 1939 йилнинг сентябр ойида Полшадаги “Данциг” корридорини ишғол этиб, Иккинчи Жаҳон урушининг  бошловчиси бўлади. Ушбу урушда Германия ва унинг иттифоқчилари мағлуб бўлишади ва Гитлер 1945 йилда ўз жонига қасд қилади.

Бугунги кундан 69 йил олдин, яъни милодий 1948 йилнинг 30 январида Ҳиндистоннинг миллий ва халқ раҳбари, ушбу мамлакат истиқлолини асосчиси  Маҳатма Ганди мутаассиб ёш бир ҳинд томонидан террор қилинади. Моҳандас Карамчанд  Ганди 1869 йилда таваллуд топган ва Англияда ҳуқуқшунослик  факултетини тамомлаган. У бир муддат Жанубий Африкада фаолият кўрсатади ва Англия мустамлакасига қарши  курашувчан ҳинд ёшлари ҳаракатини бошқаради. Ушбу даврда унга “маҳатма” буюк руҳ эгаси номи  берилади. Ганди 1922 йилда “Ўлим ё мустақиллик” шиорини ўртага ташлагани боис олти йилга қамалади. У озод бўлганидан кейин Ҳиндистонда Англия мустамлакачилигига қарши тинч йўл билан   курашиш сиёсатига раҳбарлик қилади. Унинг ушбу сайъ-ҳаракатлари ҳиндлар ва мусулмонлар ўртасидаги ихтилофни бартараф этиб, инглисларга улкан зарба беради. Ниҳоят 1947 йилнинг август ойида  Ҳиндистон Ганди раҳбарлигида истиқлолга эришади. Маҳатма Ганди “ Ҳақиқатга доир менинг тажрибаларим” ва “ Гандининг  таржимаи ҳоли” китобининг муаллифидир.

    Азизлар, “Тарихнинг ўчмас кунлари” унвонли ҳафталик эшиттиршнинг янги сони шу ерда ўз ниҳоясига етди. Мен эса сизлар билан хайрлашаман. Саломат бўлинг.