Бугун душанба, ҳижрий-шамсий 1395 йил исфанд ойининг 2-си, ҳижрий-қамарий 1438 йил жамодиул аввал ойининг 22-си ва милодий ҳисоб билан 2017 йил 20-февраль

Ассалому алайкум, қадрли тингловчилар!

"Тарихнинг ўчмас кунлари" унвонли кундалик эшиттиришнинг янги сони билан камина Кўҳёр Аршадниё хазматингиздаман.

Бугун душанба, ҳижрий-шамсий 1395 йил  исфанд    ойининг 2-си, ҳижрий-қамарий 1438 йил жамодиул аввал     ойининг 22-си ва милодий ҳисоб билан 2017  йил 20-февраль.

Бундан  340 йил олдин, милодий 1677 йилнинг 20- феврал ойида французлар  Гаитида испанияликлар ҳарбий кучларини мағлубиятга учратиб, ушбу юртни мустамлака этишни бошлайдилар. Атлантика океанида жойлашган Гаитида  французликлар  қарийб 130 йил давомида ҳукмронлик қилдилар. Бироқ мазкур мамлакатда 1804 йилда  қора танли қулларнинг йирик қўзғолони натижасида Гаити Лотин Америкасининг биринчи мустақил давлатига айланади.

Бугунги кундан 4 йил муқаддам, яъни ҳижрий-шамсий 1391 йилнинг 2-исфанд ойида Эроннинг етук уламоларидан бири Оятуллоҳ Хушвақт оламдан ўтади. У ҳижрий-шамсий 1305 йилда таваллуд  топган эди. Мужтаҳид ва ахлоқ устози  Оятуллоҳ Хушвақт Теҳроннинг Толиқоний учраҳасида жойлашган Имом Ҳасан Мужтабо (а) масжидида жамоат имоми (имом-хатиб) эди.  У ахлоқ ва ирфонда аллома Таботабоийнинг энг пешқадам шогирдларидан эди. Эрон  Ислом Инқилоби ғалабасининг дастлабки  кунларида у Маданий инқилоб олий кенгашининг аъзоси ҳамда Теҳрон илмий ҳавзаси уламоларидан ҳисобланарди.

Оятуллоҳ Хушвақт шамсий 1391 йил баҳман ойининг аввалларида ваҳий юртига сафар қилади ва Мадинаи мунавварада олти кун яшаганидан кейин 14-баҳман куни зиёрат удумларини  давом эттириш учун Маккаи мукаррамага  боради. У ерда нафас олиши қийинлашади ва Макка шифохонасига олиб борилади. Аммо Оятуллоҳ Хушвақт беморлиги оғирлашгани  сабабли  у ерда вафот этади.

Бугунги кундан 70 йил олдин, милодий 1947 йилнинг 20-февралида Ҳиндистонда Англиянинг мустамлакачилик сиёсатлари икки асрдан кўпроқ давом этганидан кейин Лондон ушбу мамлакатнинг мустақил бўлишини  ночор қабул қилади. Ҳиндистон халқи Маҳатма Ганди раҳбарлигида узоқ йиллар давомида курашганларидан кейин ўз истиқлолларини қўлга киритишади. Англия ушбу юртда ҳукмронлик қилган вақтида Ҳиндистон бойликарини талон-торож қилиб, унинг аҳолисининг жонлари ва молларига  ҳам катта зарарлар етказган эди. Ҳиндистон 1947 йилнинг август ойида расман мустақиллигини эълон қилади ҳамда икки  юрт  Ҳиндистон ва Покистонга айланади.

    Азизлар, “Тарихнинг ўчмас кунлари” унвонли ҳафталик эшиттиршнинг янги сони шу ерда ўз ниҳоясига етди. Мен эса сизлар билан хайрлашаман. Саломат бўлинг.