Эшиттиришлар шарҳи

Меҳрибон ва раҳмли Аллоҳ номи билан

Ассалому алайкум, азиз ва муҳтарам радиотингловчилар!

"Биз ва тингловчи" номланган ҳафталик эшиттиришнинг янги сони  яна эфирда. Бизни тинглаб  борасиз деган умиддамиз.

Қадрли мухлислар,  ўзингизнинг дастурингиз бўлган “Биз ва тингловчи”  рукни остидаги ҳафталик эшиттиришининг ушбу сонида сиёсий, тарихий ва диний маросимларга бағишланган эшиттиришлар ҳақида сўҳбат қилмоқчимиз.

Эрон Ислом Жумҳуриятининг тақвимида кўплаб маросимларнинг саналари алоҳида қайд этилган. Айниқса, диний маросимларга  ушбу мамлакатда катта эътибор берилади.

Масалан, ўтган ҳафтада  ҳазрат Фотимаи Заҳро (с) нинг шаҳодат топган   кунларига бағишлаб махсус эшиттиришни эфирга узатдик. Олдинги ўтган  ойлар  давомида эса Фитр, Қурбон ҳайити, Ғадир байрамлари, Мино фожеалари,  пок имомларнинг валодат ва шаҳодат кунлари  муносабати билан ўтказилган  маросимларига бағишланган махсус эшиттиришларни эътиборинизга ҳавола этдик.

Муҳаррам ойи бошланиши билан Имом Ҳусейн (а) нинг шаҳодат топган айёмлари муносабати билан  Тосуо ва Ошуро маросимларига бағишланган қатор махсус эшиттиришларни  ҳам радиомиз орқали тингловчилармизнинг ҳукмларига ҳавола этдик. Мазкур эшиттиришларнинг барча матнлари ва садоларини  ҳам сайтимиз саҳифаларида ўқишингиз ва тинглашингиз мумкин.

Айтиш лозимки, “Муносабатлар” рукни остидаги ушбу эшиттиришлардан ташқари “Тарихнинг  ўчмас кунлари” номли кундалик эшиттиришларда ҳам куннинг муҳим ва тарихий бўлган саналари ҳақида  ҳам маълумот бериб бормоқдамиз. 

 Қадрли тингловчилар, сиз муқаддас Машҳад шаҳридан эфирга узатилаётган бир соатлик оқшомги дастуримизда

"Биз ва тингловчи"  рукни остидаги туркум эшиттиришнинг янги сонини  тинглаяпсиз. Эслатиб ўтамиз,  сиз ушбу эшиттиришлар орқали фикр- мулоҳаза ҳамда таклиф ва танқидларингизни  радиомизнинг янги интернет сайти  ParsToday.com / uz ва  электрон манзилимиз uzbeki@ ParsToday.com  ҳамда мобайл апликешн орқали   бизга юборишингиз мумкин.

Биз билан ушбу телефон рақамлари  орқали ҳам боғланишингиз  мумкин:+98939736 25 45 Машҳад шаҳри, +998974500185 Тошкент шаҳри.

Қўнғироқларингизни кутиб қоламиз.

Эшиттиришимиз давом этади.

Тарихий муносабатларга бағишланган дастурларда кўпроқ улуғ шоир ва адибларнинг эъзозлаш кунлари, турли қўзғолонлар ва оммавий эътирозлар ташкил этилгани бобидаги мавзулар ёритиб борилади. Ҳаким Фирдавсий, Шайх Саъдий, Шайх Аттор , Ҳаким  Умар Хайём, Хожа Ҳофиз Шерозийнинг эъзозлаш кунлари, 15-хурдод қўзғолони, Имом Хумайний (р)нинг реҳлат кунлари шулар жумласидандир.

Сиёсий маросимларга бағишланган эшиттиришлар ҳам радиомиз дастурларида муҳим ўрин тутади. Эрон Ислом Жумҳуриятининг ташкил этилган куни, Исломий Инқилоб ғалабисининг санаси, Халқаро Қизил хоч ва ярим ой жамияти куни, Шифокорлар ва Ўқитувчилар кунлари, Гиёҳвандлик моддаларга қарши курашиш куни ва бошқа мавзуларга оид тайёрланган махсус эшиттиришлар  ҳам радиомиз ва сайтимиз орқали сизга азизларга тақдим этилган ва шунга ўхшаш эшиттиришлар эътиборингизга ҳавола этилиб келинмоқда. Айниқса, Наврўз байрамига бағишланган  махсус эшиттиришлар радиомизнинг дастурларида хос ўрин тутади.

Энди эса радиомиз сайтининг ижтимоий тармоқлардаги саҳифаларига  оид янгиликлар билан сизни ҳамкоримиз Абдуллоҳ Зуҳур таништирадилар.

Ҳамкоримиз Абдуллоҳ Зуҳурнинг суҳбатлари эди.

Ҳозир эса    сирдарёлик  мухлисларимиздан бири Холиқнинг радиомиз дастурлари ҳақида   қилган сўҳбатини биргаликда тинглаймиз.

Азиз тингловчимиз Холиқнинг билдирган фикрлари эди.

Қадрли   мухлислар, "Биз ва тингловчи" рукни остидаги туркум эшиттириш билан ҳамкорликни янада фаоллаштирасиз деган умиддамиз. Бундан кейин ҳам  Эрон радиоси орқали эфирга узатилаётган эшиттиришлар борасида қимматли маслаҳатларингизни бизга дариғ тутманг.  Мен эса сизлар билан хайрлашаман. Омон бўлинг.