Бугун шанба, ҳижрий-шамсий 1396 йил тир ойининг 3-си, ҳижрий-қамарий 1438 йил муборак Рамазон ойининг 29-си ва милодий ҳисоб билан 2017 йил 24 -июнь.

Ассалому алайкум, қадрли тингловчилар!

"Тарихнинг ўчмас кунлари" унвонли кундалик эшиттиришнинг янги сони билан камина Кўҳёр Аршадниё хизматингиздаман.

Бугун  шанба, ҳижрий-шамсий 1396 йил  тир   ойининг 3-си, ҳижрий-қамарий 1438 йил  муборак Рамазон ойининг 29-си ва милодий ҳисоб билан 2017  йил 24 -июнь.

Бундан 205 йил олдин, яъни милодий 1812 йилнинг 24 –июнида Франция қироли Бонапарт Наполеон чор Россиясига қарши ҳарбий юриш бошлайди.Унинг императорлиги вақтида Франция Европа ва дунёнинг йирик қудратига айланган эди. Аммо Европанинг  катта қисми Наполеон ихтиёрида бўлса ҳам,  у кенг масоҳатга эга бўлган Россияга ҳужум қилади. Бонапарт Наполеон Россияга қарши урушда   катта мағлубият билан юзмаюз  бўлади ва Францияга қайтишга мажбур бўлади. Ушбу рушлар жараёнида унинг 530 минг нафар аскаридан  фақат 30 минг нафаригина ватанларига қайтишга муваффақ бўлади.

Наполеоннинг ушбу мағлубияти унинг империясининг парчаланишига сабаб бўлади.

 Бугунги кундан 174 йиль олдин, милодий  1843 йилнинг 24-июнида англиялик ихтирочи  Генри Бессемер металларни эритиш печкасини ихтиро этади. Англиялик буюк ихтирочи ва саноатчи Бессемер милодий 1813 йилнинг 11 июнида таваллуд топган. У ихтиро этган печкалар “Бессемер печкалари” номи билан машҳурдир ва саноат соҳасида катта ўзгаришларни юзага келтирган. Генри Бессемер 1898 йилнинг 28-февралида 85 ёшида вафот этган.

Бундан 13 йил олдин, яъни ҳижрий-шамсий 1383 йилнинг 3-тир ойида эронлик етук рассом Аббос Жалолий Сувсанободий оламдан ўтган. Эроннинг рассомлик ва миниатюра санъатида ёрқин ном қолдирган Аббос Жалолий Сувсанободий  шамсий 1313 йилда Эроннинг марказий шаҳарларидан бири Арок яқинидаги Сувсанобод қишлоғида таваллуд топган.

Тўрт ё беш ёшида ота-онаси билан Теҳронга боради ва у ерда бошланғия таълим олиш билан биргаликда устоз рассомлардан рассомлик санъати сирларини ўрганади. Аббос жалолий 33 ёшида миниатюра соҳасида ўзининг услубига эга бўлади.  Машҳур миниатюрчи рассом Аббос Жалолий шамсий 1383 йилнинг 3 тир ойида АҚШда вафот этади.

Азизлар, “Тарихнинг ўчмас кунлари” унвонли ҳафталик эшиттиришнинг янги сони шу ерда ўз ниҳоясига етди. Мен эса сизлар билан хайрлашаман. Саломат бўлинг.