Сайтимиз ўзгарди

Меҳрибон ва раҳмли Аллоҳ номи билан

Ассалому алайкум, азиз ва муҳтарам радиотингловчилар!

"Биз ва тингловчи" номланган ҳафталик эшиттиришнинг янги сони  яна эфирда. Бизни тинглаб  борасиз деган умиддамиз.

Олдин ҳам хабар берганимиздек, радиомизнинг олдинги сайти uzbek.irib.ir нинг фаолияти  бир ҳафтадан кейин тўхтатилади. Унинг ўрнида янги сайтимиз “ParsToday.com” бир ҳафта олдин ўз фаолиятини бошлаган. Бундан кейин сиз ушбу сайтимиздан фойдалинишингиз мумкин.  “ParsToday”  Эроннинг  ахборот сайтларидан бири бўлиб, 70 йилдан ортиқроқ вақтдан бери Эрон телерадиокомпаниясининг  ташқи бўлими ( IRIB Woldservice)да  фаолият кўрсатиб келмоқда. 2016 йилнинг январ ойидан бошлаб ушбу сайт  янгича услубда  онлайн орқали муҳим  хабар ва воқеаларни  дунёнинг  30 тилида   ёритиб бормоқда.

“ParsToday”   медиа хизмати ўзининг фаолиятларини сайт, радио, фриконс  тўлқинлари, интернет, мобил ва ижтимоий тармоқлар орқали амалга оширмоқда. Ушбу сайтда бериладиган  дастур ва хабарлар   олмон, рус, инглис , француз,тожик,  арман, ҳинд, банғола, пашту, ҳоса, иброний, албания, португал, испан, ўзбек, турк, япон, қозоқ, италян  ва  бошқа тилларда мухлисларга  тақдим этилади.

Ўрта Шарқ минтақасидаги сиёсий ўзгаришлар ҳамда мазкур минтақада  тинч ва тараққий этаётган мамлакат сифатида Эроннинг  тутган роли  ва аҳамияти “ParsToday”   сайтининг  таъсирини янада оширган.

“ParsToday” сайтининг  Ўзбек хизмати сиёсий, маданий ва диний хабар ва мақолаларни  радио ва ижтимоий тармоқлар орқали  ёритиб, дунё ОАВда айтилмаган сўзларни баён этишни мақсад қилган.

“ParsToday” сайтининг  Ўзбек хизмати материалларини миллионлаб ўзбек тилини биладиган ўқувчи ва муштарийлар  кузатиб боришади.

Кўпроқ маълумотга эга бўлиш учун биз билан боғланинг.

Эслатиб ўтамиз, сайтимиз ParsToday.comга ўзгарди

Янги  веб-сайтимизни кузатиб боринг!

Маълумингизким, “Биз ва тингловчи” унвонли ҳафталик эшиттириш сизнинг эшиттиришингиздир. Биз ушбу эшиттиришлар  орқали сизнинг таклиф, танқид ва талабларинигиз асосида суҳбатлар тайёрлашга ҳаракат қиламиз. Радиомиз дастурлари ва  сайтимиз  саҳифаларида юзага келган ўзгариш ва янгиликлар билан сизни таништириб борамиз. Ўтган суҳбатимиз орқали сизга хабар берганимиздек, шамсий 1395 йилдан бошлаб Эрон халқаро радиосининг Ўзбек хизмати бўлимида бир қатор янги эшиттиришларни эфирга узатишни бошладик. Мазкур эшиттиришлар борасида навбат билан сизга кўпроқ маълумот бериб борамиз.Масалан, “Соғлом оила” рукни остидаги эшиттириш душанба оқшомларида эмас, балки тонги дастуримизнинг якшанба кунлари эфирга узатилади. Кечки дастуримизнинг душанба кунлари “Соғлом оила” эшиттириши ўрнига “Ислом ва иқтисодий тараққиёт” рукни остидаги янги эшиттиришлар бошланади.

Қадрли тингловчилар, сиз муқаддас Машҳад шаҳридан эфирга узатилаётган бир соатлик оқшомги дастуримизда

"Биз ва тингловчи"  рукни остидаги туркум эшиттиришнинг янги сонини  тинглаяпсиз. Эслатиб ўтамиз,  сиз ушбу эшиттиришлар орқали фикр- мулоҳаза ҳамда таклиф ва танқидларингизни  радиомизнинг янги интернет сайти  ParsToday.com ва  электрон манзилимиз [email protected], ҳамда мобайл апликешн орқали   бизга юборишингиз мумкин.

Биз билан ушбу телефон рақамлари  орқали ҳам боғланишингиз  мумкин:+98939736 25 45 Машҳад шаҳри, +998974500185 Тошкент шаҳри.

Қўнғироқларингизни кутиб қоламиз.

Ҳозир эса    тингловчиларимиздан бири Абдужабборнинг  қилган суҳбатини биргаликда эшитамиз.

Азиз тингловчимиз Абдужабборнинг  суҳбати эди.

Эшиттиришимиз давом этади.

Қадрли   мухлислар, "Биз ва тингловчи" рукни остидаги туркум эшиттириш билан ҳамкорликни янада фаоллаштирасиз деган умиддамиз. Бундан кейин ҳам  Эрон радиоси орқали эфирга узатилаётган эшиттиришлар борасида қимматли маслаҳатларингизни бизга дариғ тутманг.  Мен эса сизлар билан хайрлашаман. Омон бўлинг.