Ҳўкиз ўпкасидан тайёрланган препарат COVID-19 беморларини ўлимдан сақлаб қолди
Сурфактант — инсон ўпкаси альвеолаларининг ички юзасини қоплаб олади ва ўпкаси оғир шикастланган инсоннинг тезда тузалишига ёрдам беради.
Спутник ахборот агентлигининг тарқатган хабарига кўра, коронавируснинг оғир шакли билан касалланган беморларни даволашда Россияда ишлаб чиқилган "Сурфактант-БЛ" номли дори ўзининг самарадорлигини кўрсатди, деб хабар қилмоқда Известия нашри.
Дастлаб ушбу препарат инсон ўпкасининг оғир шикастланиш ҳолатларида қўлланилган. Препарат COVID-19нинг оғир шакли билан касалланган беморларда қўлланилганда - ўлим ҳолатлари 5 баравар камайиши қайд этилган.
Стастистик маълумотларга кўра, COVID-19 билан касалланганлар орасида оғир касаллар 5% учрайди, лекин уларнинг 80% вафот этади.
Сурфактант — инсон ўпкаси альвеолаларининг ички юзасини қоплаб олади. БЛ дегани эса - бычье легкое, яъни ҳўкиз ўпкаси дегани.
Касалларга Сурфактант-БЛ ингаляция йўли билан суткада 2 маротаба 30 дақиқа давомида киритилади. Даволаш курси 2-5 кунни ташкил қилади. Беморнинг соғайиши ингаляциядан кейин тезда бошланади.
Айни дамда Сурфактант-БЛ коронавирус билан шикастланган касалларда синовдан ўтмоқда. Синов тугаши билан ушбу препарат Россия Соғлиқни сақлаш вазирлигининг коронавируснни даволаш тавсияномаларига киритилади.
