Միրզոյանն ու Մատվիենկոն քննարկել են հայ-ռուսական համագործակցության հեռանկարները
Հայաստանի խորհրդարանի խոսնակ Արարատ Միրզոյանի ու ՌԴ Դաշնային ժողովի Դաշնության խորհրդի նախագահ Վալենտինա Մատվիենկոյի հանդիպումը կայացել է Սանկտ Պետերբուրգում։
Հայաստանի Ազգային ժողովի նախագահ Արարատ Միրզոյանն ու ՌԴ Դաշնային ժողովի Դաշնության խորհրդի նախագահ Վալենտինա Մատվիենկոն այսօր Սանկտ Պետերբուրգում քննարկել են հայ-ռուսական համագործակցության ընթացիկ վիճակն ու զարգացման հեռանկարները։ Այս մասին նշված է Ռուսաստանի Դաշնության խորհրդի կայքում։
Հանդիպումը կայացել է Սանկտ Պետերբուրգում, ԱՊՀ միջխորհրդարանական վեհաժողովի 49-րդ լիագումար նստաշրջանի շրջանակում։
Միրզոյանը կարևորել է միջխորհրդարանական երկխոսությունը ինչպես երկկողմանի, այնպես էլ բազմակողմանի ձևաչափերով։
Մատվիենկոն անդրադարձել է հայ-ռուսական հարաբերությունների դինամիկային։ Նա ողջունել է ՀՀ Ազգային ժողովի նոր կազմի ձևավորումից հետո միջխորհրդարանական կապերի ակտիվացումը։
Մատվիենկոն առաջարկել է նաև վերականգնել ՌԴ Դաշնային ժողովի ու ՀՀ Ազգային ժողովի համագործակցության միջխորհրդարանական հանձնաժողովի գործունեությունը, ինչպես նաև համապատասխան կոմիտեների գործակցությունը։
Նրա խոսքով` դա լրացուցիչ խթան կհանդիսանա համատեղ աշխատանքի համար։
ՀՀ ԱԺ խոսնակ Արարատ Միրզոյանի գլխավորած պատվիրակությունը ապրիլի 18-20–ը Սանկտ Պետերբուրգում մեկնել ԱՊՀ միջխորհրդարանական վեհաժողովի 49-րդ լիագումար նստաշրջանին մասնակցելու նպատակով։ Այցի ընթացքում նախատեսվում են ինչպես ԱԺ խոսնակի երկկողմանի հանդիպումները գործընկերների հետ, այնպես էի հանդիպում հայ համայնքի ներկայացուցիչների հետ։
armeniasputnik.am
