Ղազախստանում Պոմպեոն խոսել է Միացյալ Նահանգների հետ համագործակցելու առավելությունների մասին
Ամերիկյան ընկերությունների հետ համագործակցությունը լավագույն արդյունք կբերի ցանկացած երկրի: Այս մասին հայտարարել է ԱՄՆ պետքարտուղար Մայք Պոմպեոն Ղազախստան կատարած այցի ընթացքում, հաղորդում է «Ինտերֆաքս»-ը:
Նրա խոսքերով, Ղազախստանն առևտրային գործընկերների ազատ ընտրության իրավունք ունի, բայց Միացյալ Նահանգների հետ համագործակցությունը մի քանի առավելություն ունի: Այսպիսով, ամերիկյան ընկերությունների հետ գործընկերությունը երաշխավորում է աշխատատեղերի ստեղծում, պայմանագրերի թափանցիկություն, հավասար պարտավորություններ և աշխատանքի որակ: «Հենց այսպես է գործում ամերիկյան համակարգը»,- հավելել է Պոմպեոն:
Որպես օրինակ նա նշել է ամերիկյան Tyson Foods ընկերության հետ պայմանագիրը, որի իրականացումը կօգնի զարգացնել Ղազախստանի գյուղատնտեսության ոլորտը: «Բացի այդ, ամերիկյան խոշոր ընկերությունները, ինչպիսիք են Chevron-ը և ExxonMobil-ը, կշարունակեն ներդրումներ կատարել նավթի և գազի ոլորտում և ձեր ապագայում: Նրանք Ղազախստանի քաղաքացիներին ապահովում են աշխատատեղերով և օգնում ձեր արտադրանքի արտահանման հարցում»,- ասել է ԱՄՆ պետքարտուղարը:
Ավելի վաղ Պոմպեոն պաշտոնական այցով մեկնել էր Մինսկ: Բելառուսի մայրաքաղաքում նա հայտարարել է պատժամիջոցների հնարավոր չեղարկման մասին, ինչպես նաև խոստացել ամբողջովին փակել երկրի նավթի պահանջարկը:
1in.am
