Հայաստանի Նախագահն աշխատանքային այցով կմեկնի Ճապոնիա
Հայաստանի Հանրապետության նախագահ աշխատանքային այցով կմեկնի Ճապոնիա, ճապոնացի պաշտոնյաների հետ քննարկելու երկկողմ հարաբերությունների ընդլայնումը:
Հայաստանի նախագահի աշխատակազմի հասարակայնության հետ կապերի գրասենյակի հայտարարության համաձայն, Հայաստանի նախագահԱրմեն Սարգսյանը կայսերական պալատում կմասնակցի Ճապոնիայի կայսր Նարուհիտոյի կողմից կազմակերպվող պաշտոնական ընդունելությանը և զրույց կունենա կայսեր հետ:
Հայաստանի Հանրային ռադիոյի հաղորդման համաձայն, նախագահ Սարգսյանը, ներկա կգտնվի Տոկիոյում կայանալիք ամառային օլիմպիական խաղերի բացման պաշտոնական արարողությանը:
Այցի շրջանակներում նախատեսվում է նախագահ Արմեն Սարգսյանի և Ճապոնիայի վարչապետ Սուգա Յոշիհիդեի հանդիպումը, որի ընթացքում կքննարկվեն հայ-ճապոնական հարաբերությունների խորացմանը և երկկողմ օրակարգին առնչվող հարցեր:
Նախագահ Սարգսյանը հանդիպումներ կունենա նաև տեխնոլոգիական մի շարք հայտնի ընկերությունների ղեկավարների և գործարարների հետ:
