«Սա անցակետ չէ, սա կողպեք է Արցախի վրա»
Սա անցակետ չէ, սա կողպեք է Արցախի վրա:
Թյուրքագետ Վարուժան Գեղամյանը գրել է.
«Ահա և Արցախ մտնող «միջանցքի» վրայի անցակետի նկարը։ Սա անցակետ չէ, սա Թուրքիայի ու Ադրբեջանի կողմից ՀՀ դե-ֆակտո թուրքամետ իշխանության համաձայնությամբ դրված կողպեք է Արցախի վրա, որը առաջիկա ամիսներին Արցախը լիարժեք հայաթափելուն է ուղղված։
Պետք է հեռացնենք այս թուրքամետներին ու կանգնեցնենք աղետը։ Պատերազմից վախենալը պատերազմ է բերում»։
Հիշեցնենք՝ Արցախի տեղեկատվական շտաբն ավելի վաղ հայտնել էր. «Ադրբեջանական կողմը, հերթական անգամ կոպտորեն խախտելով 2020թ. եռակողմ հայտարարության դրույթները և շարունակաբար ապատեղեկատվություն տալով Հայաստանից Արցախ զենքի տեղափոխության վերաբերյալ, քիչ առաջ փակել է Արցախ-Հայաստան սահմանագծին գտնվող Հակարիի կամուրջը, որը գտնվում է ՌԴ խաղաղապահ զորակազմի պատասխանատվության տիրույթում՝ «Լաչինի միջանցք»-ում»։
Այնուհետև Ադրբեջանի պետական սահմանապահ ծառայությունը հայտարարել է, որ հսկիչ անցագրային կետ է տեղակայել Լաչին-Ստեփանակերտ ճանապարհին։
panorama.am
