Միլիոնավոր ամերիկացիներ բողոքել են Թրամփի վարած քաղաքականության դեմ
Միլիոնավոր ամերիկացիներ մասնակցել են Թրամփի վարած քաղաքականության դեմ բողոքի ցույցերին։
Iran Press-ի փոխանցմամբ՝ ցույցի կազմակերպիչները հայտարարել են. «Ավելի քան 2700 քաղաքներում «Ո՛չ միապետությանը» կարգախոսով բողոքի ցույցերին մասնակցել է մոտ 7 միլիոն մարդ։ Ցուցրարները Թրամփի վարչակազմի գործողությունները համարել են ավտորիտարիզմի տանող քայլ և դատապարտել դրանք»։
Հազարավոր ամերիկացիներ երթ են անցկացրել Մանհեթենի Թայմս Սքվերում, Նյու Յորքում, Բոստոնի, Ատլանտայի, Չիկագոյի այգիներում, ինչպես նաև Վաշինգտոնում և Լոս Անջելեսի կենտրոնում։ Ցույցեր են կայացել նաև մի քանի հանրապետականների կողմից ղեկավարվող նահանգներում Կոնգրեսի շենքերի առջև։
Սա Դոնալդ Թրամփի՝ Սպիտակ տուն վերադառնալուց հետո երրորդ լայնածավալ երթն է և անցկացվում է դաշնային կառավարության փակման ֆոնին։ Փակումը դադարեցրել է կառավարության ծրագրերն ու ծառայությունները և մարտահրավեր է նետել իշխանությունների հավասարակշռությանը։
Ապրիլին Թրամփի և Իլոն Մասկի դեմ երթ կայացավ 1300 շրջաններում։ Հունիսի 14-ին՝ Վաշինգտոնում ռազմական շքերթի և «Ոչ միապետությանը» համազգային ցույցի առաջին օրը, տարբեր քաղաքներում տեղի ունեցած 2100 բողոքի ցույցերի ժամանակ նույնպես, մոտ 5 միլիոն մարդ բողոքի ցույց անցկացրեց Թրամփի քաղաքականության դեմ։
Հաղորդվում է, որ շարժմանը միացել են նաև այնպիսի հայտնի դեմոկրատներ, ինչպիսիք են Սենատի ղեկավար Չակ Շումերը և անկախ սենատոր Բերնի Սանդերսը։ Կազմակերպիչներն այս շարժումը համարում են Թրամփի վարչակազմի գործողությունների պատասխան՝ խոսքի ազատության ճնշումից մինչև ռազմական ոճի ներգաղթային գործողություններ։
Արձագանքելով արձագանքել է «Ոչ միապետությանը» ցույցին՝ ԱՄՆ նախագահ Դոնալդ Թրամփը Truth-ում վիրավորական տեսանյութ է հրապարակել։
