Թեհրանի արհեստակցական միությունների ներկայացուցիչները հանրահավաք են կազմակերպել ի պաշտպանություն Եմենի բռնահարված ժողովրդի
Իրանի արհեստակցական միությունների ներկայացուցիչները և շուկայի աշխատակիցներն ու տնտեսական ակտիվիստները Թեհրանում ՄԱԿ-ի գրասենյակի առջև հանրահավաք են անցկացրել՝ ի պաշտպանություն Եմենի բռնահարված ժողովրդի:
Ցուցարարները երեքշաբթի օրը կազմակերպած հանրահավաքում դատապարտելով Եմենի կանանց, երեխաներին ու ժողովրդի վայրագ սպանությունը, միջազգային կառույցներին կոչ են արել հնարավորինս արագ քայլեր ձեռնարկել Սաուդյան ռեժիմի հակամարդկային քայլերին դիմակայելու համար:
Իրանի արհեստակցական միությունների ներկայացուցիչները, շուկայի աշխատակիցները և տնտեսական ակտիվիստները ընթերցել են պարսկերեն և անգլերեն լեզվով հաղորդագրություն և խոսքն ուղղելով ՄԱԿ-ին ընդգծել են Մարդու իրավունքներով զբաղվող կառույցների հնարավորություններն օգտագործելու և Եմենի ժողովրդին պաշտպանելու անհրաժեշտությունը: Նրանք նաև պահանջել են պատասխանատվության ենթարկել մարդու իրավունքները խախտողներին:
Իրանի կրոնագիտական դպրոցների դասախոսները, հոգևորականները և դպրոցի սաները կիրակի օրը հավաքվել են Թեհրանի Մարվի կրոնագիտական դպրոցում և վանկարկել են «Մահ Ամերիկային», «Մահ Իսրայելին» կարգախոսները: Նրանց ձեռքում եղել են նաև Եմենի բռնահարված ժողովրդի անգթաբար սպանության վերաբերյալ լուսանկարներ:
