ԻԻՀ մեծարգո առաջնորդ.«Բանակի և ԻՀՊԿ-ի միասնությունը գեղեցիկ քայլ էր ԱՄՆ-ի տգեղ արարքից հետո»
Իրանի Զինված ուժերի գերագույն-գլխավոր հրամանատարն ասել է.«Իրանի Զինված ուժերի օրավուր ամրապնդվող միասնությունը անհրաժեշտ է, և զայրացնում է թշնամուն: Բանակի և Իսլամական հեղափոխության պահապանների կորպուսի եղբայրությունն ու միասնությունը գեղեցիկ քայլ էր ԱՄՆ-ի տգեղ արարքից հետո»:
Իրանի Զինված ուժերի գերագույն-գլխավոր հրամանտար, մեծարգո Այաթոլլահ Խամենեին, չորեքշաբթի օրը բանակի և ռազմացամաքային ուժերի հրամանատարների հետ հանդիպման ժամանակ, ասել է.«Այսօրվա բանակը ամենաբարեպաշտ և ամենաարդյունավետ բանակն է, քան երբևէ»:
Բարձր գնահատելով բանակի և զինված ուժերի արդյունավետ ու կենսական նշանակություն ունեցող ներկայությունը Իրանում ջրհեղեղից տուժածներին փրկարարական օգնություններ ցուցաբերելու գործում, Նորին Վսեմություն առաջնորդը հավելել է.«Այն ամենը, ինչը թշնամուն զայրացնում է, լավ է, և ճիշտ: Բոլորը պետք է խուսափեն այն ամենից, ինչը կարող է թշնամուն դարձնել հանդուգն և բարձրացնել նրա հոգեվիճակը»:
Նշելով, որ Իրանի իսլամական հանրապետության դեմ ԱՄՆ-ի պաշտոնատարների անհիմն հայտարարությունները բխում են նրանց թույլ հոգեվիճակից, մեծարգո առաջնորդն ասել է.«ԱՄՆ-ն հայտնվել է հազարավոր միլիարդ դոլարի պարտքի ու բազմաթիվ խնդիրների առջև: Չնայած տարիներ են անցել են Կարոլինա և այլ նահանգներում տեղի ունեցած ջրհեղեղներից ու փոթորիկներից, սակայն այդ երկիրը չի կարողացել լուծել այդ խնդիրները, իսկ այսօր բարբաջում է Իրանի ժողովրդի հոգեկանը թուլանալու մասին»:
Անդրադառնալով Իրանի բանակի ու զինված ուժերի տարածաշրջանային ներկայությանը և թշնամիների սադրանքների դեմ պայքարին, Իրանի իսլամական հեղափոխության մեծարգո առաջնորդն ասել է.«Եթե բանակը և Իսլամական հեղափոխության Պահապանների կորպուսը չպայքարեին ԻԼԻՊ-ի դեմ, ապա այսօր տարածաշրջանում ու հարևան երկրներում ի՞նչ վիճակ էր տիրելու և ովքեր էին իշխելու տարածաշրջանում»:
Այաթոլլահ Խամենեին հավելել է.«Իհարկե հակամարտության մեջ ներքաշված յուրաքանչյուր երկիր կատարել է անհրաժեշտ քայլեր,սակայն Իրանի զինված ուժերի դերակատարությունն անհերքելի է, և այսօր զինված ուժերի բարիքները ոչ միայն Իրանի ժողովրդին այլև այլ երկրներին են բաժին հասել»:
Շնորհավորելով բանակի և ցամաքուժի օրվա կապակցությամբ, Իրանի Զինված ուժերի գերագույն-գլխավոր հրամանատարն ասել է.«Զինված ուժերը երկրի ազգային հզորության տարրերն են: Իհարկե, շատ երկրներում, նույնիսկ իրենց մարդու իրավունքների ու ազատության ջատագովը համարող երկրներում զինված ուժերը համարվում են բռնապետների հզորության տարրերն ընդդեմ ժողովրդի,որի վառ օրինակն այս օրերին կարելի է տեսնել Փարիզում շաբաթ օրերին իրականացվող ակցիաներում»: