Տեղի է ունեցել Իրանի բանակի ՀՕՊ ռադարային համակարգի շնորհանդեսը
Իրանի իսլամական հանրապետության բանակի հակաօդային պաշտպանության ուժերի հրամանատարի ներկայությամբ, տեղի է ունեցել «Ֆալաղ» ՀՕՊ ռադարային համակարգի շնորհանդեսը:
ԻԻՀ հակաօդային պաշտպանության ուժերի հրամանատար բրիգադային գեներալ Ալիռեզա Սաբահիֆարդն այսօր Թեհրանում «Ֆալաղ» ՀՕՊ ռադարային համակարգի շնորհանդեսին ունեցած ելույթում ասել է.«Ֆալաղ ՀՕՊ ռադարային համակարգը 400 կմ հեռահարությամբ կարող է հայտնաբերել թևավոր և բալիստիկ հրթիռներ ու անօդաչու թռչող սարքեր»:
Գեներալ Սաբահիֆարդի խոսքով՝ Ֆալաղ ռադարային համակարգը արդիական համակարգ է և ունի թևավոր, բալիստիկ և ԱԹՍ-ի հայտնաբերման կարողություն, որի արտասահմանյան օրինակը կոչվում է «Գամա»: Այն անցած տարիներին ներկրվել է երկիր և հակաիրանական պատժամիջոցների, տեխնիկական պահեստամասեր չունենալու և վերանորոգման համար օտարերկրյա խմբերի անկարողության պատճառով, վերարտադրվել է բանակի հակաօդային պաշտպանության երիտասարդ մասնագետների կողմից և ներկայացվել «Ֆալաղ ռադարային համակարգ» անվամբ: