Զարիֆն ուղերձ է հղել ՉԺՀ կազմավորման 70-ամյակի կապակցությամբ
Իրանի ԱԳ նախարարն ընդգծել է.«Իրանի իսլամական հանրապետության և Չինաստանի Ժողովրդական Հանրապետության շարունակական խորհրդակցությունները վկայում են երկու ասիական հին քաղաքակրթությունների միջև պատմական հարաբերությունների պայծառ հեռանկարների մասին»:
Ինչպես հաղորդում է ԻՌՆԱ լրատվական գործակալությունը, Իրանի ԱԳ նախարար Մոհամմեդ Ջավադ Զարիֆն իր թուիթերյան էջում Չինաստանի Ժողովրդական Հանրապետության կազմավորման 70-ամյա հոբելյանի կապակցությամբ նշել է.«Ժամանակակից Չինաստանը դարձել է խաղաղ զարգացման և քաղաքացիների բարեկեցության խորհրդանիշ»:
Զարիֆը հավելել է.«Չինաստանը հովանավորելով բազմակողմանիությունը, կարևոր դեր է խաղում միջազգային խաղաղության և անվտանգության պահպանման գործում»:
Զարիֆը Չինաստանի Ժողովրդական Հանրապետության կազմավորման 70-ամյակի կապակցությամբ շնորհավորել է այդ երկրի ժողովրդին, կառավարությանն ու Կոմունիստական կուսակցությանը: