Ռոհանի. գեներալ Սոլեյմանին Իրանի սահմանապահն էր
Իրանի նախագահն ասել է. «Ղոդս ուժերի հրամանատար, նահատակ գեներալ-լեյտենանտ Ղասեմ Սուլեյմանին Իրանի սահմանապահն էր, բայց նա երբեք չէր ցանկացել սահման ստեղծել իրանցիների միջև»:
Չորեքշաբթի օրը, ԻԻՀ Նախագահ Հասան Ռոհանին, կառավարության կազմի նիստում, անդրադառնալով Ղասեմ Սուլեյմանիի նահատակությանն ասել է.«Տարածաշրջանի ժողովուրդները պետք է փորձեն ԱՄՆ-ին դուրս բերել տարածաշրջանից»:
Իրանի նախագահը միջուկային խնդրի վերաբերյալ ասել է . «Այն հայտարարությունը, թե Իրանը փորձում է միջուկային զենք ստեղծել, անհիմն է»:
Ռոհանին ասել է. «Իրանն իր միջուկային ծրագիրն իրականացնում է երաշխիքների և լրացուցիչ արձանագրությունների հիման վրա: ՄԱԳԱՏԷ-ի ներկայացուցիչներն ու տեսուչները ներկա են Իրանում և նրանց տեսախցիկները տեղակայված են Իրանի ուրանի հարստացման կենտրոններում»:
