Իրանի ներկայացուցիչը Վիենայում հանդիպել է ՕՊԵԿ-ի գլխավոր քարտուղարի հետ
Միջազգային կազմակերպություններում Իրանի մշտական ներկայացուցիչը Վիեննայում հանդիպել է ՕՊԵԿ-ի գլխավոր քարտուղարի հետ և քննարկել Չինաստանում կորոնավիրուսի տարածումից հետո նավթի շուկայում տեղի ունեցած զարգացումները:
ԻՌՆԱ-ի հաղորդման համաձայն, Քազեմ Ղարիբաբադին և ՕՊԵԿ-ի գլխավոր քարտուղար Մոհամեդ Բարկինդոն, դատապարտելով ԱՄՆ-ի կողմից Իրանի դեմ սահմանված միակողմանի և անօրինական նավթային պատժամիջոցները, ընդգծել են ՕՊԵԿ-ի կարևոր դերակատարությունը նավթային շուկաներում կայունության պահպանման և արտադրողների և սպառողների փոխադարձ շահերի ապահովման ուղղությամբ:
Բարկինդոն նաև ընդգծել է ՕՊԵԿ-ի անդամ և ոչ անդամների միջև խորհրդակցությունների անհրաժեշտությունը, հատկապես ներկա իրավիճակում:
Կորոնավիրուսի տարածումը Չինաստանում, նվազեցրել է նավթի նկատմամբ այդ երկրի պահանջարկը, ինչը հանգեցրել է նավթի գների անկմանը:
