Ռոհանի․«Պատժամիջոցները չկարողացան ազդել իրանցիների կամքի վրա»
ԻԻՀ նախագահ Հասան Ռոհանին ասել է․-«Պատժամիջոցները չկարողացան ազդել Թեհրան-Հյուսիս ավտոմայրուղին կառուցելու իրանցի ճարտարագետների, աշխատավորների ու տնօրենների վճռակամության վրա»։
Իրանի իսլամական հանրապետության նախագահ Հասան Ռոհանին երեքշաբթի օրը Թեհրան-Հյուսիս ավտոմայրուղու շահագործման հանձնելու արարողության ժամանակ ունեցած ելույթում ասել է․-«Չնայած բոլոր դժվարություններին, իրանցիներն ամենուրեք խիզախաբար հրապարակ են դուրս գալիս և չեն ընկրկում դժվարությունների և ԱՄՆ-ի բռնի պատժամիջոցների առաջ»։
«Իրանի ժողովուրդը չի պատրաստվում ինչ-որ բան մուրալ թշնամուց։ Դիմակայելով բռնի պատժամիջոցներին, իրանցիները թշնամուն կստիպեն զղջալ», ասել է նախագահ Ռոհանին։
Իրանի իսլամական հանրապետության գործադիր իշխանության ղեկավարն անդրադառնալով Իրանի որոշ քաղաքներում կորոնավիրուսի տարածմանն ասել է․-«Չպետք է վախենալ այդ վիրուսից: Պետք է համատեղ ջանքերով հաղթահարել այն»։
