Իրանը հանդես է եկել Իդլիբում իրավիճակի կայունացման կոչով
Իրանի ԱԳ նախարարությունը հանդես է եկել հայտարարությամբ, որում կոչ է արել քայլեր ձեռնարկել հնարավորինս արագ կայունացնելու Իդլիբում ստեղծված վիճակը: Հայտարարության մեջ ասված է. «Իրանը ուշադիր հետևում է Սիրիայի Իդլիբում տեղի ունեցող զարգացումներին և դրա տարածաշրջանային հետևանքներին»:
Նախարարությունը հավելել է. «Իրանը համոզված է, որ Աստանայի գործընթացը կարող է կարևոր դերակատարություն նունենալ ահաբեկչության դեմ պայքարի, քաղաքական տարաձայնությունների լուծման և հակամարտությունների ժամանակ խաղաղ բնակչության շրջանում զոհերից խուսափելու հարցում»:
Հայտարարության մեջ նաև ասված է. «Իրանը դատապարտում է երրորդ երկրների միջամտութունն այս գործընթացին և ԱՄՆ-ի անպատասխանատու գործողությունները, որոնց միակ նպատակն է սրել տարածաշրջանի լարվածությունը և թալանել նավթային ռեսուրսները»:
Վերջին օրերին, թուրքական բանակը բազմաթիվ հարձակումներ է իրականացրել Իդլիբում Սիրիայի բանակի դիրքերի դեմ՝ աջակցություն ցուցաբերելով ահաբեկիչներին:
