Իրանի և Լիբանանի ԱԳ նախարարները հեռախոսազրույց են ունեցել. Թեհրանը պատրաստ է օգնություն ցուցաբերել Լիբանանին
Լիբանանի ԱԳ նախարարի հետ հեռախոսազրույցում Իրանի իսլամական հանրապետության ԱԳ նախարարը նշել է, որ Թեհրանը պատրաստ է անհապաղ օգնություն ցուցաբերել Լիբանանին հիմնական ու հրատապ կարիքների, ենթակառուցվածքների և հատկապես մարդասիրական ոլորտներում:
Լիբանանի ԱԳ նախարար Շարբել Վեհբեի հետ հեռախոսազրույցում, Իրանի ԱԳ նախարար Մոհամմադ Ջավադ Զարիֆը ցավակցություն է հայտնել այդ երկրի ժողովրդին ու կառավարությանը, Բեյրութի նավահանգստում գտնվող պահեստում տեղի ունեցած պայթյունի հետևանքով մարդկային զոհերի կապակցությամբ:
Նշելով,որ Իրանի իսլամական հանրապետությունը Լիբանանի ժողովրդի ու կառավարության կողքին է, Զարիֆն ասել է.«Թեհրանը պատրաստ է օգնություն ցուցաբերել իր եղբայր ու բարեկամ Լիբանանին»:
ԻԻՀ նախագահը, ցավակցելով Բեյրութի նավահանգստի պայթյունի հետևանքով մի խումբ լիբանանցիների զոհվելու և մեծ թվով ուրիշների վիրավորվելու կապակցությամբ, հայտարարել է, որ Թեհրանը պատրաստ է մարդասիրական և բժշկական օգնություն ուղարկել Լիբանան:
Լիբանանի Առողջապահության նախարարությունից հայտնում են, որ պայթյունի հետևանքով առնվազն 100 մարդ է զոհվել, 4000 հոգի՝ վիրավորվել:
Վնասի մասշտաբները դեռ պարզ չեն, և հետաքննությունը շարունակվում է:
Հայերեն ռադիոալիքին հետևեք սոցցանցերում.
https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio
