Կատարի պետնախարարը այցով ժամանել է Բեյրութ
Լիբանանի վարչապետ Նաջիբ Միքաթին Բեյրութի Գրանդ Սերալ կառավարական պալատում ընդունել է Կատարի միջազգային համագործակցության հարցերով պետնախարար Լոլա բինթ Ռաշիդ Ալ-Հաթերին, ասված է Լիբանանի վարչապետի գրասենյակի հաղորդագրության մեջ։
Հանդիպմանը մասնակցել են նաև Լիբանանում Կատարի դեսպան Շեյխ Սաուդ բին Աբդուլռահման Ալ Թանին և Լիբանանի առողջապահության և շրջակա միջավայրի նախարարները։
«Մենք վերահաստատում ենք մեր հաստատակամ և անսասան դիրքորոշումը Լիբանանի, նրա ինքնիշխանության և իր անվտանգությունն ու կայունությունը, ինչպես նաև քաղաքացիների անվտանգության պահպանման իրավունքի նկատմամբ։ Մենք նաև խստորեն դատապարտում ենք լիբանանցի խաղաղ բնակիչների դեմ բոլոր հարձակումները»,- հանդիպումից հետո հայտարարել է Կատարի խոսնակ Ալ-Հաթերը՝ արձագանքելով հրադադարի մասին միջազգային կոչերին:
Ալ-Հաթերը Միաժամանակ հայտարարել է Կատարից Լիբանան մարդասիրական օգնություն հասցնելու համար օդային արշավի մեկնարկի մասին, քանի որ Իսրայելի հարձակումները շարունակվում են երկրի բոլոր մասերում, ներառյալ մայրաքաղաք Բեյրութում, և այդ հարձակումների հետևանքով տեղահանվածների թիվը գերազանցել է մեկ միլիոնը: «Ակնկալում ենք, որ այս ամսվա ընթացքում կուղարկենք տասը C-17 ինքնաթիռ՝ բեռնված բժշկական պարագաներով, ինչպես նաև վրաններով և սննդով»,-ասել է նա։
