Զարիֆ. Միջազգային հանրությունը պետք է զերծ մնա Լիբանանի ներքին գործերին միջամտելուց
Լիբանանի Ալ-Մայադին հեռուստաալիքին տված հարցազրույցում, Իրանի արտգործնախարարն ասել է. «Միջազգային հանրությունը պետք է ճանաչի Լիբանանի անկախությունը և զերծ մնա այդ երկրի ներքին գործերին միջամտելուց»:
«Մոհամմադ Ջավադ Զարիֆը, որը մեկնել է Բեյրութ, ուրբաթ երեկոյան կայացած հեռուստատեսային հարցազրույցում, վկայակոչելով Բեյրութի նավահանգստում տեղի ունեցած պայթյունը և շեշտելով, որ Իրանը լիբանանցիների կողքին է «այս մեծ ողբերգության ժամանակ, հավելել է. «Բեյրութի նավահանգստում արտասահմանյան ռազմանավերի տեղակումն անսովոր է և սպառնալիք՝ ուղղված լիբանանյան ժողովրդի և դիմադրության դեմ»:
Վերջերս Բեյրութի նավահանգստում տեղակայվել են մի քանի ֆրանսիական ռազմանավ՝ 700 զորուժով: Ֆրանսիայի կառավարությունը պնդում է, որ այդ նավերի և սուզանավերի առկայությունը Լիբանանին օգնելու համար է:
Իրանի արտգործնախարարն Ալ- Մայադին հեռուստաընկերությանը տված իր հարցազրույցի մեկ այլ մասում հայտարարել է, որ Լիբանանի անվտանգությունն Իրանի անվտանգությունն է: Նա նշել է. «. «Թեհրանը համագործակցելու է լիբանանցիների կողմից ընտրված ցանկացած կառավարության հետ»:
