Իրանի նախագահի շնորհավորական ուղերձը՝ Հիսուս Քրիստոսի ծննդյան օրվա առթիվ
ԻԻՀ նախագահը քրիստոնյա երկրների ղեկավարներին շնորհավորել է Հիսուս Քրիստոսի բարեբաստիկ ծննդյան և Նոր տարվա կապակցությամբ:
Հինգշաբթի օրը տարածած ուղերձում, Հասան Ռոհանին աշխարհի քրիստոնյա երկրների ղեկավարներին շնորհավորել է Հիսուս Քրիստոսի բարեբաստիկ ծննդյան և Նոր տարվա կապակցությամբ: Նա ասել է. «Աշխարհն այսօր բախվում է բազմաթիվ սոցիալական, մշակութային, տնտեսական և քաղաքական ճգնաժամերի և երկրների ղեկավարները պետք է դրսևորեն կամք ու տարածաշրջանային և համաշխարհային համագործակցության շնորհիվ, ավելի շատ ջանքեր գործադրեն այդ ճգնաժամերը հաղթահարելու, ինչպես նաև կորոնավիրուսի դեմ պայքարի գործընթացն արագացնելու ու մարդկային կյանքը բնականոն հուն վերադարձնելու ուղղությամբ»:
Նշելով, որ Հիսուս Քրիստոսը խաղաղության և հաշտության մարգարեն է և կարեկցանքի և մարդասիրության դրոշակակիրը, Ռոհանին հույս է հայտնել, որ մարդկությունը, հատկապես աստվածային կրոնների հետևորդները, կկարողանան հետևել աստվածային մարգարեների բարձր ուսմունքներին և պահպանել նրանց ավանդույթներն ու ընթանալ մարդկային գերազանցության և կատարելության ուղով:
Դեկտեմբերի 25-ին կաթոլիկ աշխպարհը տոնում է Հիսուս Քրիստոսի ծնունդը:
