Խաթիբզադեն ցավակցել է Ադենի օդանավակայանի զոհերի ընտանիքներին
Իրանի արտգործնախարարության խոսնակը, ցավակցելով Ադենի օդանավակայանում զոհվածների ընտանիքներին՝ Եմենում ներգրավված բոլոր կողմերին կոչ է արել վերադառնալ քաղաքական երկխոսության՝ անօգուտ հակամարտությունը դադարեցնելու համար:
ԻՌՆԱ-ի հաղորդման համաձայն, Իրանի արտաքին գործերի նախարարության խոսնակ Սաիդ Խաթիբզադեն, հինգշաբթի օրը Եմենի Ադենի օդանավակայանում զոհվածների ընտանիքներին ցավակցություն հայտնելով, ասել է . «Եմենի շարունակական ագրեսիան և օկուպացիան դարձել է անկայունության, անօրինականության և Եմենի տարածքային ամբողջականությունը վտանգելու հիմնական պատճառը»:
Խաթիբզադեն հավելել է.«Այս բռնությունները և խաղաղ բնակիչների սպանությունը Եմենի նկատմամբ ագրեսիայի և օկուպացման արդյունքն են: Ագրեսորները ոչնչացրին ամբողջ Եմենը և պատճառ հանդիսացան որպեսզի այդ երկրում շարունակվի ամենասարսափելի հումանիտար ճգնաժամը»:
Ընդգծելով քաղաքական լուծման անհրաժեշտությունը՝ Իրանի ԱԳՆ խոսնակը մեկ անգամ ևս Եմենի պատերազմում ներգրավված բոլոր կողմերին կոչ արեց դադարեցնել անօգուտ հակամարտությունը և վերադառնալ քաղաքական երկխոսության:
Չորեքշաբթի օրը, երբ Աբդ Ռաբբո Մանսուր Հադիի նոր կառավարության անդամները ժամանում էին Ադենի միջազգային օդանավակայան, օդանավակայանում տեղի ունեցավ հզոր պայթյուն, որի արդյունքում զոհվեց և վիրավորվեց ավելի քան 70 մարդ:
