Իրանի պաշտպանության նախարար. Սիոնիստական փտած ծառը շուտով տապալվելու է
Իրանի պաշտպանության նախարարն ասել է.«Սիոնիզմի անարմատ ծառը փտել է և Գազայի պատերազմը ցույց տվեց, որ այդ ծառը շուտով տապալվելու է»:
Կիրակի օրը, Իրանի ցամաքուժի պաշտպանական ձեռքբերումների ցուցահանդեսի բացման ժամանակ, գեներալ Ամիր Հաթամին ասել է.«Այսօր ԻԻՀ կանգնած է վերջին հարյուրամյակներում աննախադեպ դիրքում»:
Իրանի պաշտպանության նախարարն ասել է.«Պաշտպանական կարողությունների և ժողովրդական աջակցության համադրությունը Իրանի համար ստեղծել է հուսադրող մի ուժ, և մենք հպարտ ենք դրանով»:
Գեներալ Հաթամին նշել է, որ Իրանի պաշտպանական ուժն օգտագործվում է ճշգրիտ տրամաբանությամբ, և տարածաշրջանի բոլոր երկրները պետք է ապահով լինեն:
«Հրթիռային ոլորտում այսօր մենք իրական կարողություն ունենք, և զինված ուժերը կարող են լավագույնս կատարել իրենց առաքելությունը: Անկասկած, Իրանն այսօր աշխարհում ընդունված հրթիռային տերություններից մեկն է»,-ասել է ԻԻՀ պաշտպանության նախարարը:
