Իրանի ազգային նավթընկերության գործադիր տնօրեն. Իրանական նավթը նոր հաճախորդներ է գտել
Իրանի ազգային նավթընկերության գործադիր տնօրենն ասել է.« Իրանի նավթի արտահանման պայմանները նախկինի համեմատ բարելավվել են, և Թեհրանն արդեն իր նավթի համար նոր հաճախորդներ է գտել»:
Երեքշաբթի օրը նավթի ու գազի հորերի շահագործման թեմայով առաջին խորհրդաժողովի շրջանակում լրագրողների հետ զրույցում Մոհսեն Խոջասթեմեհրը նշել է.-«Նավթի արտահանման վիճակն ավելի գոհացուցիչ է, քան նախորդ ամիսներին, և իրանական նավթի արտահանման պայմանները նախկինի համեմատ բարելավվել են»:
Խոջասթեմեհրը հավելել է.«Նավթի շուկան դինամիկ շուկա է, և Իրանը միշտ խթանում է նավթի արտահանման բիզնեսը, որպես մշտական և ինտենսիվ բիզնես»:
Իրանի նավթի փոխնախարարը հստակեցրել է.-«Ավանդական հաճախորդների հետ մեկտեղ շարունակվում են շուկայի մոնիտորինգը և երկրի նավթի համար նոր շուկաներ ստեղծելու ջանքերը»։
Անդրադառնալով Հարավային Փարս հանքավայրի 11-րդ փուլի համար կատարված քայլերին՝ Իրանի նավթի փոխնախարարն ասել է.-«Այս տարի ձմռանն այս փուլը հանգեցնելու է գազի արդյունահանման, որի ծավալը կազմելու 11 միլիոն խորանարդ մետր»:
