Ղալիբաֆ․ Նավթի գների կտրուկ աճը Բեսենթին կանգնեցրել է անդունդի եզրին
Իրանի Իսլամական խորհրդարանի նախագահը հայտարարել է, որ ռազմավարական պաշարների արագ նվազումը, ԱՄՆ պետական պարտատոմսերի եկամտաբերության աննախադեպ աճը և նավթի ֆյուչերսների գների կտրուկ բարձրացումը ԱՄՆ ֆինանսների նախարար Սքոթ Բեսենթին կանգնեցրել են անդունդի եզրին։
Ինչպես հաղորդում է Pars Today_ը, հղում անելով IRIB-ին, Մոհամմադ Բաղեր Ղալիբաֆը X_ում արած գրառման մեջ դիմելով ԱՄՆ ֆինանսների նախարար Սքոթ Բեսենթին, գրել է. «Ուշադիր հետևիր Օմանի նավթի ֆյուչերսների գներին, ԱՄՆ պետական պարտատոմսերի եկամտաբերությանը և նավթի ռազմավարական պաշարների մակարդակին»։
Նա հավելել է. «Հերո՛ս, որքան ուժ ունես, գործադրիր, որպեսզի ավելի շատ միջամտես նավթի ֆյուչերսների գներին, որովհետև քո ամբողջ մասնագիտական գործունեությունը դրանից է կախված։
Կամ շարունակիր ռազմավարական պաշարներից նավթի դուրսբերումը՝ վտանգավոր սահմանը գերազանցող ծավալով, և հետևիր, թե ինչպես են պաշարների կտրուկ նվազման հետևանքով փլուզվում նավթի պահեստավորման աղային քարանձավները, կամ ապավինիր Տեխասի աղի աստվածներին և աղոթիր, որ նավթի պահեստավորման հորերը չփլուզվեն։
Ամբողջ աշխարհը հետևում է քեզ»։
