Իրանում նավթի արտահանման ծավալը աճել է, հասնելով 2.65 մլն բարելի
Էներգետիկայի միջազգային գործակալությունը հայտարարել է, որ Իրանի նավթի արդյունահանման ծավալը 2023թ առաջին երկու ամիսներին աճել է 20 հազար բարելով և հասել օրական 2 միլիոն 650 հազար բարելի։
Tasnim լրատվական գործակալության փոխանցմամբ՝ նավթի համաշխարհային շուկայի վերաբերյալ վերջին ամենամսյա զեկույցում, Միջազգային էներգետիկ գործակալությունը հայտարարել է, որ ընթացիկ տարվա երկու ամիսներին ՕՊԵԿ-ի նավթի ընդհանուր արդյունահանման ծավալը կազմել է օրական 29 միլիոն 170 հազար բարել։
Ըստ այս զեկույցի՝ փետրվարին ՕՊԵԿ-ի 8 անդամներ, այդ թվում՝ Իրանը, գրանցել են արդյունահանման ծավալների աճ:
Իրանում հում նավթի արդյունահանումը հունվարի համեմատ աճելով 20 հազար բարելով, փետրվարին հասել է օրական 2,65 մլն բարելի:
Նույն ժամանակահատվածում աճել; են նաև Ալժիրի, Կոնգոյի, Հասարակածային Գվինեայի, Գաբոնի, Նիգերիայի, Սաուդյան Արաբիայի և Լիբիայի նավթի արդյունահանման ծավալները:
