Թեհրանում Դանիայի դեսպանը կանչվել է Իրանի ԱԳՆ
Կոպենհագենում Սուրբ Ղուրանը վիրավորելու ակցիայից հետո, Թեհրանում Դանիայի դեսպանը կանչվել է Իրանի ԱԳՆ:
Iran Press-ի հաղորդմամբ՝ անդրադառնալով սուրբ գրքերի անարգման կապակցությամբ եվրոպական կառավարությունների պասիվ դիրքորոշմանն, Ահմադաբադին ասել է. «Սուրբ գիրքն այրելը նշանակում է մտքի ազատության վերջ, և նման նողկալի մշակութային հանցագործության դեմ լռությունը այլ արդյունք չի ունենա, քան բռնությունը և ահաբեկչության խթանումը»:
Հանդիպման ժամանակ Դանիայի դեսպանը ափսոսանք է հայտնել սուրբ Ղուրանի անարգման կապակցությամբ և ասել. «Դանիայի արտաքին գործերի նախարարը դատապարտել է Ղուրանի անարգումը և այն որակել որպես սարսափելի արարք»։
Յեսպեր Վարը այլ կրոնների հանդեպ անհարգալից վերաբերմունքն անվանել է ամոթալի արարք և հավելել. «Դանիական կառավարությունն իրեն բաժանում է այս ամոթալի սադրանքներից, որոնք այլ նպատակ չունեն, քան պառակտում առաջացնելը»։
Նա ասել է, որ իրավիճակի մասին հնարավորինս շուտ կտեղեկանի Կոպենհագենին:
