Հեղափոխության Գերագույն առաջնորդի ուղերձը Սրբազան պաշտպանության շաբաթվա և նահատակների ու անձնուրացների մեծարման օրվա առիթով
Իրանի Իսլամական հեղափոխության գերագույն առաջնորդը Սրբազան պաշտպանության շաբաթվա և նահատակների ու անձնուրացների մեծարման օրվա կապակցությամբ ուղերձում ընդգծել է. -«Մենք պետք է պատշաճ կերպով լսենք նահատակների պատգամը և այն օգտագործենք այս և հանդերձյալ աշխարհի շենացման համար»:
Գերագույն առաջնորդի գրասենյակի տեղեկատվական բազայի փոխանցմամբ՝ Սրբազան պաշտպանության շաբաթվա և նահատակների ու անձնուրացների մեծարման օրվա կապակցությամբ Իրանի Իսլամական հեղափոխության գերագույն առաջնորդ Այաթոլլահ Խամենեիի ուղերձում,որն այսօր (հինգշաբթի) Հոջաթ-օլ-Էսլամ Ռամզան Ալի Մուսավի Մողադամը ընթերցեց Բեհեշթե Զահրա գերեզմանատան Նահատակների բաժնում կազմակերպված հիշատակի արարողության ժամանակ, ասված է,-«Նահատակները առաջնորդող աստղեր են: Հավերժական օրինակներ են բոլորիս և հետագա սերունդների համար: Նրանց պահվածքը դաս է: Նրանց մոտիվացիաները իմաստություն»:
«Մենք պետք է պատշաճ կերպով լսենք նահատակների պատգամը և օգտագործենք այս և հանդերձյալ աշխարհի շենացման համար»,ասված է մեծարգո առաջնորդի ուղերձում::
Նշենք,որ Իրաքի տապալված բռնապետ Սադամի ռեժիմի ագրեսոր բանակը իրանական 1359 թվականի շահրիվար ամսի 31-ին (1980 թվականի, սեպտեմբերի 22-ին)՝ մեկ շաբաթվա ընթացքում Թեհրանը գրավելու ենթադրությամբ լայնածավալ հարձակում սանձազերծեց Իրանի դեմ՝ օգտագործելով բոլոր տեսակի զենքեր։
Շահրիվարի 31-ը, Իրանի օրացույցում Սրբազան պաշտպանության մեկնարկի օրն է:
Այս մեկ շաբաթում Իսլամական Իրանում տարբեր միջոցառումներ են տեղի ունենում: