ԻԻՀ կառավարության խոսնակն այցելել է Ս․Սարգիս եկեղեցի
Բահադորի Ջահրոմին հայ հայրենակիցների համար լուսաբանել է կառավարության գործունեությունը։
ԻՌՆԱ լրատվական գործակալության հաղորդման համաձայն՝ ԻԻՀ կառավարության խոսնակ` Բահադորի Ջահրոմին չորեքշաբթի հունվարի 10-ին այցելել է Թեհրանի առաջնորդանիստ Ս. Սարգիս եկեղեցի եւ ազգային առաջնորդարան, որտեղ հանդիպել է մի խումբ հայ երիտասարդների, էլիտաների, իրավաբանների, գործարարների, արվեստագետների, մարզիկների, մշակութային գործիչների և հասարակական ակտիվիստների հետ, լսել նրանց կարծիքներն ու տեսակետները երկրի առօրյա խնդիրների վերաբերյալ։
Հանդիպմանը, որին ներկա էին Իսլամական խորհրդանում Թեհրանի և հյուսիսային իրանահայության պատգամավոր Արա Շահվերդյանը, Թեհրանի Հայոց Թեմի Թեմական խորհդրի ատենապետ Նորայր Արամյանը և Տ․Արիստակես քահանա Շամիրյանը, կառավարության խոսնակը զեկույց ներկայացրեց կառավարության գործունեության վերաբերյալ և պատասխանեց ներկաներին հուզող հարցերին։
